ҚЫЗЫЛОРДА. ҚазАқпарат - Қызылорда облысында жыл басынан бері 13 адам суға кеткен. Оның ішінде 5-і бала, деп хабарлайды ҚазАқпарат тілшісі.
Облыста суға кету оқиғалары азаймай тұр. Мамыр айында төрт адам осындай оқыс оқиға салдарынан көз жұмды.
«Былтыр осы аралықта 8 адам суға кетіп қаза болған еді. Оның ішінде 3-і бала. Биыл суға кеткендердің саны 13 адамға жетті, олардың арасында 5-і бала. Сондықтан тұрғындардан» барлық қауіпсіздік шарасына назар аударуды сұраймыз», - деді Қызылорда облыстық Төтенше жағдайлар департаменті Өрт сөндіру және авариялық-құтқару жұмыстары қызметінің баспасөз хатшысы Әлия Ережепова.
Еске салсақ, бұдан бұрын Қызылордада қайығы аударылып, көл ортасында қалып қойған ресейліктер құтқарылды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.