ҚЫЗЫЛОРДА. ҚазАқпарат - Қызылорда облысында жылыжай өндірісі дамып келеді. Сыр өңіріндегі жылыжайға қарасты 7 гектардан астам алқаптан былтыр 385 тоннадан астам өнім жиналған, деп хабарлайды ҚазАқпарат тілшісі.
Олардың басым бөлігі Қызылорда қаласы аумағында орын тепкен. Облыс орталығында барлығы 122 жылыжай бар. Қазіргі таңда олардың 52-і жұмыс жүргізіп келеді. Солардың қатарында саналатын «Натишаева» және «Орда» шаруа қожалығы былтыр 100 тоннадан астам өнім алған.
Сондай-ақ, бұл бағытта Шиелі ауданында да оңды істер атқарылып отыр. Ауданда 20-ға жуық кәсіпкер бірігуінің нәтижесінде көкөніс өсіретін жылыжай кешенін салуды жоспарлап отыр. Оның аумағы 2 гектарды құрайды. Аталмыш жылыжай кешенінде жылына 60 тонна өнім жинау жоспарланып отыр.
Бұдан бұрын Қызылорда облысында испаниялық технологиямен қызанақ өсіретін жылыжай іске қосылатынын хабарлаған едік.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.