ҚЫЗЫЛОРДА. ҚазАқпарат - Қызылордада Атыраудан келген 13 адамға коронавирус инфекциясы диагнозы қойылды, деп хабарлайды ҚазАқпарат тілшісі.
Қазір облыста індет жұқтырғандар 245 адам бар . Олардың 188-і сырқатынан емделіп шықты.
«Соңғы тәулікте коронавирус инфекциясы диагнозы қойылған 13 адам анықталды. Оның 2-уі Қызылорда қаласынан болса, 2-уі Арал, 2-уі Қазалы, 2-уі Қармақшы, 2-і Шиелі, 3-уі Жаңақорған аудандарынан.
Олардың барлығы Атырау облысында мұнай-газ саласында жұмыс істейтін облысымыздың тұрғындары. Бүгінгі таңда барлығының жағдайы бірқалыпты»,- деді облыс әкімінің орынбасары Наурызбай Байқадамов.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.