ҚЫЗЫЛОРДА. ҚазАқпарат - Қызылордаға биылғы жылғы алғашқы қар жауды, деп хабарлайды ҚазАқпарат тілшісі.
Облыс орталығы - Қызылорда қаласында бүгін кешкілік алғашқы қар жауды. Сыр өңірінде бүгінге дейін мұндай мөлшерде қар түспеген еді.
Жылдағы ауа-райының жағдайына байланысты қар қараша айының басында жауатын еді. Биыл қар жылдағыдан кеш түсіп отыр.
Жергілікті синоптиктер биыл қар жылдағыдан аз мөлшерде болуы ықтимал екенін айтады. «Қазгидромет» Қызылорда филиалы мамандары алдағы 2019 жылдың қаңтар-ақпан айларында да қар мөлшерден аз болуы ықтимал екенін хабарлап отыр. Ол 8-19 мм аралығында түсуі мүмкін.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.