ҚЫЗЫЛОРДА. ҚазАқпарат - Қызылордалық оқушылар Біріккен Араб әмірлігінің Дубай қаласында өткен халықаралық ғылыми-тәжірибелік конференцияда бас жүлде алды, деп хабарлайды ҚазАқпарат тілшісі.
Аталмыш конференция 11-14 наурыз аралығында өткізілді. Халықаралық шара барысында қызылордалық өрендер биология бағыты бойынша сынға түсті. Сыр өңірінен Дана Айдарбек, Аймерей Байғабылова, Афрасняб Кобдиков, Шахризада Ақмұрат өз жобаларын таныстырды. Нәтижесінде Дана Айдарбек пен Аймерей Байғабылова бас жүлдеге лайықты деп танылды.
Облыстық өңірлік коммуникациялар қызметінің хабарлауынша, бұған дейін қызылордалық өрендер «Бейбітшілік әлемі» Халықаралық қазақ шығармашылық бірлестігінің ұйымдастыууымен өткен конференцияның республикалық кезеңіне қатысып, халықаралық конференцияға жолдама алған болатын. Осылайша оқушылар мен ұстаздардың ізденістері өз нәтижесін көрсетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.