ҚЫЗЫЛОРДА. ҚазАқпарат - Қызылордалық өнерпаз Дінмұхаммед Төлеубай Беларусь жерінде өткен «Арт-парад» конкурсының Гран-при иегері атанды, деп хабарлайды ҚазАқпарат тілшісі.
Биыл алғаш рет өткізілген халықаралық конкурсқа әлемнің көптеген елдерінен өнерпаздар келді. Қазылар алқасы қызылордалық жеткіншектің өнерін жоғары бағалады.
Дінмұхамед Қызылорда қаласындағы №11 мектептің 7-сыныбында оқиды. Дарынды жас бұған дейін де бірнеше байқауға қатысты. Оның академиялық бағыттағы конкурстық әні қазылар алқасының жоғары бағасына ие болған.
Дінмұхаммед Төлеубай гран-при иегері ретінде Беларусьтің Витебск қаласында өтетін ХХІХ халықаралық «Славян базары» байқауына шақырту алды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.