Қызылордалық өрендер робот құрастырып жүр

Оған аудандар мен Қызылорда қаласынан барлығы он команда қатысты. Сайысқа арнайы робототехника үйірмесінде құрастырған роботтарын алып келген өрендер ерекше ықылас танытты.

Әуелі төрешілер балалардың роботтарын арнайы талаптарға сай көлемі мен салмағын, бағдарламасын тексеруден өткізді. Қатысушылардың ең кішісі жеті жаста. Соған қарамастан әрбір сайыс тартысты болды. Өрендер үш кезеңнен тұратын «Робосумо» сайысы бойынша сынға түсті.
Шараға бастауыш сынып оқушылармен қатар ата-аналар да қатысты. Бұл отбасындағы өзара қарым-қатынастың нығаюына ерекше әсер етері анық.

Сайыс нәтижесінде Асылбек Бекмолдаев бірінші орынды иеленсе, Қуаныш Нұрәлі мен Әнуар Айберген екінші орынды өзара бөлісті. Ал үшінші орынға Ерболатқызы Гүлзинат, Ахметов Жарқынбек пен Адырбай Әлихан лайық деп танылды.

Айта кетейік, сайыстың өтуіне «Казроботикс» білім беру және спорттық робототехникасының Қазақстан Федерациясы республикалық қоғамдық бірлестігі, «Smart Generation» робототехника мектебі мен облыстық «Рухани жаңғыру» орталығы және облыстық білім басқармасы ұйтқы болды.