Ересектер арасында 62 кг. салмақта сынға түскен қармақшылық Дархан Сержанов алтын медальге ие болды. Қыздар арасында қызылордалық Диана Сәдуақасова (68 кг.) қола жүлдегер атанды. Әскери самбодан байқоңырлықтар Алмас Дәулетбаев (52 кг.) пен Айдос Бөрібеков (62 кг.) үшінші орынға табан тіреді. Жастар арасында Қызылорда қаласында тұратын Әйгерім Мәденова (48 кг.) чемпион атанса, Салтанат Нахшиманова (68 кг.) күміс медальге қол жеткізді. Жасөспірімдер арасында Айбек Серікбаев (81 кг.) үздік үштікке ілікті.
Бас жүлде алған спортшылар енді әлем чемпионатына қатысады. Бұл жарыс биылғы жылдың қараша айында Грузия астанасы - Тбилиси қаласында өтеді.