ҚЫЗЫЛОРДА. ҚазАқпарат - Қызылордалық студент Ақжайық Тәжі халықаралық зерттеушілер байқауынан табысты оралды, деп хабарлайды ҚазАқпарат тілшісі.
Халықаралық зерттеушілер байқауына Қазақстан және өзге де елдерден 120-ға жуық жас ғалымдар қатысты. Байқау негізгі 3 кезеңнен тұрады. Қатысушылар алғашқы кезеңде 72 сағатта ғылыми мақалаларды дайындау туралы вебинарға қатысып білімін шындады.
Екінші кезеңде жерлесіміз Алматы қаласында орналасқан Абай атындағы ҚазҰПУ-дан ішкі және шетелдік рецензенттердің қатысуымен үздік ғылыми жобаға сараптау жүргізілді.
Осылайша халықаралық байқау жеңімпаздары анықталды.
Ақжайық Тәжі барлық кезеңнен сүрінбей өтіп, финалда үшінші орынды иемденді. Оның ғылыми еңбегі халықаралық басылымда жарияланатын болды.
Айта кетсек, ол Қорқыт Ата атындағы Қызылорда университетінде тәлім алады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.