ҚЫЗЫЛОРДА. ҚазАқпарат - Қызылордалық жігіт әлеуметтік желіде танысқан қызды достарымен келіп тонап кетті, деп хабарлайды ҚазАқпарат тілшісі.
Қызылорда қалалық Полиция басқармасына әйел азаматша хабарласқан. Онда белгісіз азаматтың оның үйіне келіп, қорқыту арқылы ұялы телефоны мен ақшасын тартып алып кеткені айтылған.
«Азаматша әлеуметтік желіде бір азаматпен танысып, оны үйге шақырған. Арада 30 минуттай өткенде үйге танысқан жігіт пен оның досы келген. Артынан тағы екі азамат кіріген. Төртеуі қызды қорқытып, телефоны мен ақшасын тартып алып кеткен», - деп мәлім етті Қызылорда облыстық полиция департаментінен.
Ведомство мәліметінше, аталған дерек ҚР Қылмыстық кодексінің 191-бабының 2-бөлігінің 1-тармағымен (Адамдар тобының алдын ала сөз байласуымен жасалған тонау) тіркелген. Қазір сотқа дейінгі тергеп-тексеру басталды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.