НҰР-СҰЛТАН. ҚазАқпарат – Али Алиев «Қызылжар» футбол клубының бас бапкері болып тағайындалды, деп хабарлайды ҚазАқпарат тілшісі.
Аталмыш клубтың баспасөз қызметі мәлім еткендей, Али Алиев «Қызылжарға» бөтен емес.
А.Алиев 2015 жылы «Қызылжар» командасына ойыншы ретінде қабылданып, бірінші лигада қола және күміс жүлдеге қол жеткізді. 2017 жылы оның белсенді қатысуымен клуб сегіз жылдан кейін премьер-лигаға жолдама алды.
Осы кезеңде А.Алиев 75 матч өткізіп, 6 голдың авторы атанды.
2019 жылы ол «Қызылжар» командасының бас бапкері болып тағайындалды. Сол жылдың қорытындысы бойынша команда қайтадан премьер-лигаға оралды.
Еске сала кетейік, бұдан бұрын Андрей Карповичтің «Қызылжар» клубының бас бапкері қызметінен кеткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).