НҰР-СҰЛТАН. ҚазАқпарат - Петропавлдың «Қызылжар» футбол командасына бас бапкер болып молдовалық маман Вячеслав Руснак тағайындалды, деп хабарлайды ҚазАқпарат тілшісі клубтың баспасөз қызметіне сілтеме жасап.
Вячеслав Руснак 1975 жылы Молдованың Бельцы қаласында дүниеге келген. Спорттық мансабын 1992 жылы жергілікті «Олимпия» командасында бастады. 2004-2010 жылдарда Қарағандының «Шахтер» командасының намысын қорғады.
2011 жылдан бері бапкерлікпен айналысып келеді. Соңғы қызмет еткен орны - Молдованың «Милсами» командасы. Аталмыш клуб 2017 жылы өз елінде күміс жүлдегер атанды.
Сондай-ақ, «Қызылжар» командасының бапкерлер құрамына Юрий Чухлеба, Андрей Мацюра, Александр Петухов және Александр Кучма кірді.
«Қызылжар» былтыр бірінші лигада сынға түсіп, бірінші орын алды. Нәтижесінде биыл Премьер-лигада бақ сынауға мүмкіндік алды.
Бұдан бұрын Али Алиевтің «Қызылжар» командасындағы бас бапкер қызметінен кеткенін жазған болатынбыз.
Фото: footballhd.ru
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.