ЕҚЫҰ төрағасы және Швейцария Сыртқы істер министрі Дидье Буркхальтер Л. Заньердің қайта сайлануын мақұлдап, ұйымның ортақ құндылықтарын ілгерілетуде, оның тиімді қызметін қамтамасыз етуде және ортақ қауіптердің алдын алуда атқарған еңбегіне зор алғысын білдірді.
«Ұйымға мүше-мемлекеттердің қауіпсіздік саласындағы мәселелерін ескере отырып, ЕҚЫҰ диалог пен ортақ шешімдер қабылдау үшін маңызды алаңға айналып келе жатқанын атап өткім келеді», - деді Д.Буркхальтер. Биыл 60 жасқа толатын Ламберто Заньер ЕҚЫҰ-да Италияның өкілі. 2011 жылдан бері аталған ұйымның Бас хатшысы қызметін атқарып келеді. Әр жылдары ЕҚЫҰ Шиеленістердің алдын алу орталығын басқарды және БҰҰ-ның Косоводағы арнайы өкілі болды.