Ди Каприо Save the Elephants қайырымдылық қорына миллион доллар аударды, деп хабарлады Popcornnews. Актердің мұндай кең пейілдігін Йен Дуглас-Гамильтон ұйымының басшысы кешкі қонақасында мәлемдеді. «Браконьерлер өлтірген пілдердің саны тым көп. Өткен жылы 30 мыңнан астам пілдің көзі жойылған. Бұл жануарлардың жаппай қырылып-жойылуын тоқтату біздің қолымызда. Elephant Crisis Fund ұйымы осы мәселені шешуде маңызды рөл атқарады. Сол үшін дәрігер Дуглас-Гамильтонға алғысымды білдіремін», - деп жазылған Ди Каприоның мәлімдемесінде. Леонардоның өзі пілдерді қорғауға арналған қайырымдылық кешінде болмаса да, оның жасаған әрекеті көпшілікке сенім ұялатты. Шара барысында тағы бір миллион доллар жиналды.
04:32, 17 Мамыр 2014
Леонардо Ди Каприо пілдердің қорғауына 1 млн доллар қаражат бөлді
АСТАНА. ҚазАқпарат - Леонардо Ди Каприо - қоршаған ортаның белсенді қорғаушысы. Ол экология, флора мен фауна мәселелеріне бейжай қарамайды. Пілдердің қырылуына алаңдап, оған қыруар қаржы бөлгендігі де соның айқын дәлелі.