НҰР-СҰЛТАН. ҚазАқпарат - Футболдан Америка кубогында биыл Аргентина құрамасы чемпион атанды, деп хабарлайды ҚазАқпарат тілшісі.
Финалда Бразилия мен Аргентина құрамалары өзара күш сынасты. Бразилияның Рио-де-Жанейро қаласындағы әйгілі «Маракана» стадионында өткен кездесуде аргентиналық футболшылар 1:0 есебімен жеңіске жетті. Ойын тағдырын шешкен жалғыз голды 22-минутта Анхель Ди Мария өзінің еншісіне жазды.
Айта кетерлігі, белгілі футболшы Лион е ль Месси өзінің мансабында тұңғыш рет Америка кубогының иегері атанып отыр. Ол бұған дейін аталған турнирде 2007, 2015, 2016 жылы күміс жүлдегер атанса, 2019 жылы қола жүлдені қанағат тұтты. Сондай-ақ, ол турнир барысында 7 ойын өткізіп, 4 гол соғып және 5 нәтижелі пас шығарып берді.
Америка кубогы 13 маусым мен 11 шілде аралығында Бразилияда өткізілді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.