Атыс салдарынан ешкім қаза болған жоқ. Дегенмен шаруалар әскерилердің екі джип көлігін істен шығарған. Әскерилер қайта жасақталу үшін кейін шегінуге мәжбүр болған.
Бекаа алқабы 1975-1990 жылдардағы азаматтық соғыста каннабиноидтар мен опиаттар өндіретін үлкен «орталыққа» айналды. Қолайлы ауа райы сақталған кейбір жылдары бұл жерде мыңдаған тонна марихуана мен 50 тоннадан астам опиум өндірілетін.
1991-1993 жылдары марихуана мен мак алқаптары БҰҰ-ның есірткі өндіруге қарсы бағдарламасы аясында түгелдей жойылған еді. Алайда олар жуырда қайта пайда болды. Ливандық әскерилер мен полицияның осы өсімдікті өсіруге құмартатын «шаруаларды» алқаптан қуып шығуға шамалары келмей отыр.