Степногорск қалалық соты сенiп тапсырылған бөтен мүлiктi иемденiп алғандары үшін жергілікті екі тұрғынға қатысты қылмыстық істі қарады.
Сотта екі қыздың ломбардта эксперт-бақылаушы болып жұмыс істеп, зергерлік бұйымдарды кепілдікке салмай, туыстарына және таныстарына жалған кепілдік билеттерін рәсімдеп, ақшалай қаражатты өздері жұмсағаны анықталған.
«Сот үкімімен ломбардтың екі қызметкері Қазақстан Республикасы Қылмыстық Кодексінің 189-бабы 2-бөлігінің 1, 3 тармақтарымен («Сенiп тапсырылған бөтен мүлiктi иемденiп алу, адамдар тобының алдын ала сөз байласуымен, адам өзінің қызмет бабын пайдалана отырып жасаған іс-әрекет») қылмыс жасағаны үшін кінәлі деп танылып, әрқайсысына 2 жыл мерзімге бас бостандығын шектеу түрінде жазасы тағайындалып, пробациялық бақылау орнатылды. Сонымен қатар, сотталушылар жергілікті атқарушылық органдарымен айқындаған орындарда бір жылда 240 сағатқа мәжбүрлеп еңбекке тартылды», деп көрсетілген хабарламада.