Лондон-2012: Марина ширек финалда АҚШ боксшысымен жұдырық түйістіреді

АСТАНА. 6 тамыз. ҚазАқпарат - Олимпиада ойындарында 75 келі салмақ санатында Қазақ елінің намысын қорғайтын Марина Вольнова жартылай финалда американдық былғары қолға шеберімен  жұдырықтасады.

Біздің спортшының басты қарсыласы 17 жастағы Кларесса Мария Шиелдс ширек финалда швециялық қарсыласын еліне жүлдесіз қайтарған еді. Енді міне жартылай финалда Маринаға қарсылас болғалы тұр. Шаршы алаңдағы кездесу 8 тамыз күні Астана уақыты бойынша 19-30-өтеді.

Естеріңізге сала кетейік, Марина 1/8 финалда кениялық  Элизабет Андиегоны айқын басымдықпен ұтып, келесі айналымға жолдама алған болатын. Ал ширек финалда азулы қарсыласынан еш ықпаған Марина алғашқы 2 раунда 7:7 есебімен тең аяқтаған болатын. Дегенмен шешуші кезеңде барын салған біздің былғары шеберіміз үшінші кезеңді 3:1 есебімен басымдықпен ұтты. Осылайша Марина ширек финалға жолдама алды.

1989 жылы шілдеде Қызылорда қаласының Қазалы қаласында дүниеге келген Марина бокспен 6 жасынан бастап айналысады. Осы уақытқа дейін зор жетістіктерге де жетті. Қазақстанның еңбек сіңірген спорт шебері. Бокстан еліміздің төрт дүркін чемпионы, 2010 жылы Азия чемпионы, Әлем чемпионатының күміс жүлдегері атанған.