Лондон Олимпиадасының чемпионы О.Рыпакова «Гауһар лигасының» жеңімпазы атанды

АСТАНА. 8 қыркүйек. ҚазАқпарат - «Гауһар лигасы» аясындағы үш қарғып секіруден финалдық сайыстарда Лондон Олимпиадасының чемпионы, жеңіл атлет Ольга Рыпакова жеңімпаз атанды.

Турнир қорытындысы бойынша О.Рыпакова 14.72 метр қашықтыққа секіріп, бірінші орынға ие болса, украиндық Ольга Саладуха (14.40 метр) екінші орынды қанағат тұтты. Ал үшінші орында - словак спортшысы Мария Шестак (14.10).

Айта кетейік, аталған турнирде жеңімпаз атанған спортшыға ақшалай сыйлық және гауһар тас беріледі.