Ынтымақтастық кеңесінде Қазақстан мен Еуроодақ арасындағы қарым-қатынастың қазіргі жай-күйі, екі тараптың арасындағы Серіктестік және ынтымақтастықты кеңейту туралы келісім аясындағы мұнан арғы қадамдар талқыланбақ. Одан кейін отырысқа қатысушылардың саяси, экономикалық, сауда мәселелері және ынтымақтастыққа қатысты пікір алмасуы күтіледі.
Сондай-ақ делегация өкілдері өңірлік және халықаралық оқиғалар, ынтымақтастық, Еуропадағы Global Gateway» («Жаһандық портал») тобының бастамалары, қауіпсіздік мәселелер төңірегінде пікір алмасады.
Еуропа тарапынан Ынтымақтастық кеңесіне ЕО-ның Сыртқы істер және қауіпсіздік саясаты жөніндегі жоғары өкілінің атынан Венгрияның Сыртқы істер және сауда министрі Петер Сийярто төрағалық етеді. Ал Қазақстан делегациясын Премьер-Министрдің орынбасары – Сыртқы істер министрі Мұрат Нұртілеу бастап барады.
Бұған дейін Қазақстан мен еуроодақ арасындағы сауда-саттық көлемі осы жылдың 5 айында 20,2 млрд долларға жеткені хабарланған еді.