ІІМ мектептерге инспекторларды қайтаруды қолдамады

АСТАНА. KAZINFORM – ҚР Оқу-ағарту министрі Ғани Бейсембаев мектептерге учаскелік инспекторларды қайтару мүмкіндігіне қатысты түсінік берді.

Оның айтуынша, бұл тақырып Ішкі істер министрлігімен бірлесе пысықталған.

«Атап айтқанда, Ішкі істер министрлігі осы инспекторларды қайтаруды қолдамады. Бірақ біз әр мектепке жеке инспекторды бекіту мәселесін пысықтап жатырмыз, яғни ірі қалалардағы оқу орындары назарға алынып отыр. Ауыл мектептеріне тоқталсақ, онда инспектор бекітілген», - деді Ғ. Бейсембаев Үкімет отырысынан кейін өткен баспасөз мәслихатында.

Ол сондай-ақ әрбір жазғы лагерьге осы ұйымдардағы қауіпсіздікті үнемі үйлестіріп, бақылайтын нақты инспектор тағайындалатынын айтты.