Отырыста Қазақстанның көлік қауіпсіздігінің қалпы мен транзиттік мүмкіндіктерін дамытудың өзекті мәселелері қаралды.
Негізгі баяндаманы Көлік және коммуникация министрі Әбілғазы Құсайынов жасады.
Отырыс барысында Марат Тәжин үдемелі индустриялық-инновациялық бағдарламаның сапалы іске асуы мен республикамыздың жеке аймақтарының дамуы көлік саласына тікелей байланыстылығын атап өтті.
Сонымен қатар, Шығыс-Батыс бағытында қазақстандық тауарлар мен транзиттік жүктердің өтуіне жаңа шығу жолдарын қалыптастыратын «Батыс Еуропа - Батыс Қытай» автомобиль магистралін, «Жетіген-Қорғас», «Өзен-Түрікменстанмен мемлекеттік шекара», «Ералиев-Құрық» темір жол желілерін салу жобалары іске асырылып жатқандығы сөз етілді.
Отырыс соңында мемлекеттік органдарға еліміздің көлік саласы мен транзиттік әлеуетін дамытуға бағытталған тапсырмалар берілді.