Оның сөзіне қарағанда, министрліктердің веб-сайттары бүгінде бұқаралық ақпарат құралдары қажет ететін жеделдікке сай келмейді. Яғни, ведомстволардың өмірі мен іс-қимылына олардың веб-ресурстары сәйкес қадамдар жасамай, қалыс қалуда.
Б. Қалианбековтың пайымдауынша, бүгінде әлеуметтік желілер адамдардың өміріне қатты еніп бара жатыр. «Бұл желілерде ақпаратты белсенді алмасу үрдісі жүруде. Яғни, бұл тұғырда тиісті деңгейде көрсетілмей отырмыз . Атап айтқанда, әр баспасөз хатшысында, баспасөз қызметінің әр қызметкерінде өз твиттері болғаны жөн болар еді. Олар ұдайы пікір алмасуларды байқап, оларға қатысуы тиіс, сондай-ақ туындаған сауалдарға жауап беруі қажет»,-деді комитет төрағасы.