АСТАНА. KAZINFORM — Грекия астанасы Афины қаласында әйелдер күресінен 17 жасқа дейінгі жасөспірімдер арасында әлем чемпионатында қазақстандық Мадхия Усманова (57 келі) финалға жолдама алды.
Дүниежүзілік додада отандасымыз жартылай финалда жапониялық қарсыласын қапы қалдырып, финалға жолдама алды. Финал бүгінге белгіленген.
— Ал ел құрамасынан Інжу Баққожа (43 келі), Сания Солтанғали (49 келі) жұбаныш белдесу өткізеді. Сондай-ақ ел құрамасынан әлем чемпионатында Мәкен Шынайы (46 келі), Абдрахманова Фарида (53 келі), Мұқат Жәйдар (61 келі), Сайахмет Нұрайым (65 келі), Даулетжан Шахизада (69 келі) және Мақсатқызы Нұргүл (73 келі) ел намысын қорғап жатыр, — деп мәлім етті Қазақстан күрес федерациясынан.
Еске салсақ, бұдан бұрын Жаңажол Қуанышбек (45 келі) Грекия астанасы Афины қаласында грек-рим күресінен 17 жасқа дейінгі жасөспірімдер арасында әлем чемпионатында топ жарды.
Оған қоса ел құрамасынан Нұрдәулет Кұмарұлы (48 келі), Асқар Нұрәли (55 келі) күміс жүлдегер атанса, Досбол Шамил (65 келі) қола медаль иесі болды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.