МАДРИД. KAZINFORM — 24 сәуір – 5 мамыр аралығында Мадридте өтетін мастерс турнирінде қазақстандықтар Александр Бублик пен Александр Шевченконың қарсыластары анықталды.
Қазақстанның бірінші, әлемнің 18-ракеткасы Александр Бубликтің рейтингісі жоғары болғандықтан, жарысты екінші айналымнан бастайды.
А.Бублик әлемнің 54-ракеткасы, германиялық Доминик Кёпфер немесе рейтингіде 68-орындағы испаниялық Роберто Карбальес-Баэнаның қай жеңгенімен кортқа шығады.
Қазақстанның екінші, әлемнің 59-ракеткасы Александр Шевченко алғашқы айналымда рейтингіде 77-сатыдағы франциялық Артур Риндеркнешпен өзара мықтыны анықтайды.
Егер одан өткен жағдайда әлемнің 3-ракеткасы, Мадрид мастерс турнирінің өткен жылғы чемпионы, испаниялық Карлос Алькараспен сынға түседі.
Өткен жылы А.Бублик Мадридте екінші айналымнан аса алмаса, А.Шевченко тіпті қатыспаған екен.
Еске сала кетейік, бұдан бұрын Мадридке келген Елена Рыбакина өзіне сенетінін айтқан болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).