АСТАНА. 4 қыркүйек. ҚазАқпарат - Тамыз айының 26-нан қыркүйектің 1-не дейін Дағыстан астанасы Махачкала қаласында өткен Пайғамбарлар падишасы - Мұхаммед Мұстафаның (Алланың игілігі мен сәлемі жаусын) қолданған бұйымдары мен өзге де жәдігерлерді өз көзімен көру үшін көрмеге 2 млн-нан аса адам келген.
Muslim.kz сайтының жазуынша, тамыздың 25-і күні Біріккен Араб Әмірліктерінен арнайы рейспен Дағыстанға 20-дан астам жәдігер әкелінген.
«Осы апта аралығында қоғамдық тәртіпті қадағалау үшін құқық қорғау органдарының 1,9 мың қызметкері жұмылдырылған», - деп айтылған аталмыш ведомство хабарламасында.
Осы көрме кезінде 3,2 мың адам медициналық жедел жәрдемге жүгінген. Олардың 12-сі ауруханаға жеткізілді. Көрме кезінде тыныштық сақталып, тәртіп бұзу оқиғасы тіркелмеген.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.