Бұл туралы бүгін Сыртқы істер министрлігінде өткен брифинг барысында ведомствоның ресми өкілі Алтай Әбибуллаев мәлім етті.
«Қазақстанның Индонезиядағы елшілігінен келіп түскен алдын ала мәліметтерге сәйкес, Махакам өзенінде орын алған апаттан зардап шеккендердің арасында Қазақстан азаматтары жоқ», - деді А. Әбибуллаев. Еске сала кетсек, бұған дейін хабарланғандай «KM Surya Indah» паромы өткен аптада Индонезияның Шығыс Калимантан провинциясында Махакам өзенінде апатқа ұшыраған болатын. Соның салдарынан бір адам қаза болып, 20-дан астам адам із-түссіз жоғалғаны туралы хабар таратылған еді.