КӨКШЕТАУ. KAZINFORM – «Макинск-Ақсу-Торғай» тас жолының 96-97 шақырымында еріген қардың суы тасыды.
«2024 жылғы 30 наурызда сағат 15:30 шамасында Ақмола облысы «Макинск-Ақсу-Торғай» тас жолының 96-97 шақырымында еріген қардың суының салдарынан су тасқыны тіркелді. Су басқан аумақтың ауданы 90 метрді құрайды. Тасқынды алдын алу үшін 250 тонна инертті материал төселіп, 6 адам және 1 арнайы техника жұмылдырылды», - деп хабарлады ҚазАвтоЖол компаниясы.
Айта кетсек, бұдан бұрын Ақмола облысында бірқатар жолды су басқанын жазған едік.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.