АСТАНА. KAZINFORM – Қазақстан футбол федерациясы футбол клубтарын лицензиялау комиссиясының отырысы өтті.
Қазақстан футбол федерациясының баспасөз қызметінен мәлім еткеніндей, «ҚФФ ұйымдастыратын жарыстарға қатысу үшін футбол клубтарын лицензиялау ережесін» орындаған және талаптарына сәйкес болғаны үшін 13 командаға лицензия берілді.
Атап айтқанда, «Ордабасы», «Астана», «Ақтөбе», «Қайрат», «Қызылжар», «Қайсар», «Атырау», «Тобыл», «Шахтер», «Жетісу», «Елімай», «Тұран», «Жеңіс» футбол клубтарына премьер-лигада ойнауға рұқсат етілді.
Ал «Мақтаарал» футбол клубына премьер-лигада алдағы маусымға қатысуға лицензия беруден бас тартылды.
«Мақтааралға» футболдан бірінші немесе екінші лига командалары арасында ҚР біріншілігіне қатысу үшін лицензиялау процесіне шұғыл рұқсат алу рәсіміне өтуге биылғы 20 ақпанға дейін уақыт берілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).