НҰР-СҰЛТАН. ҚазАқпарат - Қазақстандық Константин Горовенко Түркістан облысының «Мақтаарал» командасына бас бапкер қызметіне тағайындалды, деп хабарлайды ҚазАқпарат тілшісі.
Бұл жөнінде клубтың баспасөз қызметі ресми түрде мәлім етті.
К. Горовенко 1977 жылы дүниеге келген. Футболдағы мансабында 1995-2004 жылдары «Қайрат», «Қайнар», «Астана», «Алматы», «Мегаспорт», «Сұңқар» командаларында ойнады.
Ұлттық құрама сапында 2000-2001 жылдарда 6 ойында үш гол соқты.
2020-2022 жылдарда Қарағандының «Шахтер», Талдықорғанның «Жетісу», клубтарында бас бапкер болды. Ал биыл «Атырау» командасының бас бапкері қызметінен кетті.
Ал «Мақтааралдың» бас бапкері болған Андрей Ферапонтов 7 қыркүйекте командамен қош айтысты,
Айта кетсек, түркістандық клуб турнир кестесінде соңғы орында келеді.
Фото: kazfootball.kz
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.