Малайзияда Telegram-ға тыйым салынды

АСТАНА. KAZINFORM — Малайзияның Байланыс және мультимедия комиссиясы зиянды контентті таратқаны үшін айыпталған Telegram мен оның екі арнасы — «Edisi Siasat» және «Edisi Khas»-қа қатысты уақытша санкция салды, деп хабарлайды Kazinform тілшісі. 

Малайзиялық реттеуші Telegram тарапынан жүйелі бұзушылықтарды және платформаның қоғамдық сенімді тұрақсыздандыруы және этносаралық немесе діни қарым-қатынастарды ушықтыруы мүмкін мазмұнды дереу жоя алмауын атап көрсетеді. 

— Бұл әлеуметтік желі платформасына қарсы бірінші сот ісі, әсіресе Telegram-ды қосымшалар қызметі лицензиялағанын ескерсек, — делінген хабарламада.

Бұған дейін Дағыстан мен Шешенстанда Telegram бұғатталды. 

Дағыстан Республикасының Цифрлық даму министрі Юрий Гамзатов мессенджерді теріс пиғылды адамдар жиі қолданатынын баса айтты. Сондай-ақ Вьетнам үкіметі телекоммуникация операторларынан Telegram-ды ел ішінде бұғаттауды талап етті. 

Өткен жылы Оңтүстік Корея полициясы Telegram-ға шифрланған хабар алмасу платформасында жасанды интеллект арқылы жасалған жасөспірімдердің ашық суреттерімен қоса дипфейк деп аталатын порноның таралуына «көмектесті» деген айып тақты.