АСТАНА. KAZINFORM — АҚШ-тың Норвуд қаласында өткен мәнерлеп сырғанаудан «Cranberry Cup International 2025» челленджер сериясында қазақстандық Софья Самоделкина еркін жаттығуда күміс жүлдеге ие болды.
Софья жаңа маусымға деген тыңғылықты дайындығын көрсетті. Ол қысқа және еркін жаттығуда да рекордын одан әрі жақсартты.
Қорытынды нәтиже:
1. Изабо Левито (2024 жылғы әлем чемпионатының күміс жүлдегері) — 207,61 ұпай (70,69 136,92)
2. Софья Самоделкина — 203,15 ұпай (65,80 137,35)
3. Жиа Шин — 179,97 ұпай (62,12 117,85)
Халықаралық бәсеке 7-10 тамыз аралығында өтті. Оған 20 елден 99 спортшы қатысты. Аталған сайыс 2021 жылдан бері өткізіліп келеді. Софьяның медалі Қазақстан тарихындағы алғашқы жүлде ретінде тіркелді.
Софья Самоделкина 2007 жылы дүниеге келген. 2024 жылдың бері Қазақстан азаматтығын қабылдап, ел намысын қорғап келеді. 2025 жылы Қысқы универсиадада қола жүлдегер атанды.
Еске салсақ, бұдан бұрын АҚШ-тың Норвуд қаласында мәнерлеп сырғанаудан халықаралық турнирде Софья Самоделкина қысқа бағдарламада екінші орын алды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.