АСТАНА. ҚазАқпарат - Қазақстандық Денис Тен Сеулде мәреге жеткен «Төрт құрлық турнирінің» жеңімпазы атанды.
Бұл жарысты «Қазақстан» ұлттық және Қазспорт арнасы тікелей эфирде көрсетті. Қысқа бағдарламадан кейін 97,61 балл жинаған Денис Тен еркін бағдарламада да ешкімге дес берген жоқ. Сөйтіп биылғы маусымдағы ең жоғары балға (289,64) қол жеткізді. Америкалық Джошуа Фаррис екінші, қытайлық Янь Хань үшінші орынды еншіледі.
Бұған дейін әлем чемпионатының күміс, Сочи олимпиадасының қола жүлдесін иеленген Д.Тен Қазақстан тарихында тұңғыш рет аталмыш турнирдің чемпионы атанды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).