АСТАНА. ҚазАқпарат - 15-16 мамыр күндері Қызылорда қаласындағы «Мұз айдыны» спорт кешенінде мәнерлеп сырғанаудан жасөспірімдер арасында «Көктем жұлдыздары» республикалық турнирі өтті, деп хабарлайды ҚазАқпарат тілшісі.
Жарысқа Ақтөбе, Атырау, Оңтүстік Қазақстан және Қызылорда облыстарының спортшылары қысқа және еркін бағдарламаларда 1,2-разряд бойынша бақ сынасты.
Биыл екінші мәрте ұйымдастырылған республикалық турнирге 5-15 жас аралығында 50-ге жуық мәнерлеп сырғанаушы қатысты. Нәтижесінде Қызылорда облысының спортшылары 17 медальді иеленді.
Турнир жеңімпаздары: Мелиса Пак, Рамиля Қамбарова, Темірлан Якияев, Аянат Қасымова, Алина Жанділдаева, Манас Бекташов, Диана Джармұхамедова.
Күміс жүлдегерлер: Аделя Махатова, Карина Ли, Бибінұр Дербісәлиева, Айымжан Иноят.
Қола жүлдегерлер: Малика Джармұхамедова, Нариман Молдабек, Нұрай Нақып, Амина Сұлтан, Жансая Есен, Ариана Дигай.
Жеңімпаздар мен жүлдегерлер дипломдармен, медальдармен және естелік сыйлықтармен марапатталды.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.