Маңғыстауда бойжеткен мен бала теңізге батып кете жаздады
21:17, 13 Шілде 2024
АҚТАУ. KAZINFORM — Бүгін Қарақия ауданында Каспий теңізінің жағалауын патрульдеу кезінде құтқарушылар 2003 жылы туған қыз бен 2015 жылы туған баланы құтқарып, жағаға жеткізді.
Белгілі болғандай, үрлемелі баллон киіп алып жүзіп жүрген оларды ағыс жағадан алысқа алып кеткен.
Екеуіне де медициналық көмек қажет болмады.
ТЖМ судағы қауіпсіздік ережелерін қатаң сақтауды сұрайды.