Маңғыстауда домбырашылар ансамблі халықаралық фестивальдің бас жүлдесін иеленді
АҚТАУ. KAZINFORM – Бейнеу ауданы Сарға ауылындағы орта мектептің «Домбыра-Дастан» домбырашылар ансамблі Алматы қаласында өткен «Жаз дәурен» халықаралық фестивалінің бас жүлдесін (Гран при) жеңіп алды.
Фото: қоғамдық коммуникация орталығы
Домбырашылар ансамблі бұған дейін Ақтау қаласында бүлдіршіндер, мектеп оқушылары мен жасөспірімдер арасында ұйымдастырылған «Маңғыстау таланттары» облыстық байқауында жүлделі 1-орын иеленіп, республикалық додаға жолдама алған болатын. Өнерпаздар енді Астана қаласында өтетін суперфиналда бақ сынайды.
Фото: қоғамдық коммуникация орталығы
Ансамбль құрамында Сұлтан Ақмәрмәр, Кәрім Бағлан, Қараман Айдос, Сұлтан Арыстан, Сәуірғали Жанкелді және Сұлтан Қырымбек өнер көрсетті. Ал, өнерпаздарға Гүлбану Аманбаева жетекшілік етті.
Ізбасарова Аягөз Оралбайқызы телевизия саласында 2003 жылдан бері жұмыс істейді. Еңбек жолын «Қазақстан» РТРК» АҚ Маңғыстау облыстық филиалы «Қазақстан-Ақтау» телеарнасында жүргізуші-редакторлықтан бастап, редактор, шеф-редактор қызметтерін атқарды. Соңғы 7 жылдан бері «Қазақстан» Ұлттық арнасының Маңғыстаудағы меншікті тілшісі. Ақпарат саласының үздігі. Kazinform халықаралық ақпарат агенттігінде 2024 жылғы мамырдан бастап қызмет етеді.