АҚТАУ. KAZINFORM - Ақтауда 33 жастағы қала тұрғынын ІІБ криминалдық полиция бөлімінің қызметкерлері қамауға алды.
Жедел іздестіру шараларының нәтижесінде қолға түскен күдікті қаланың 17 шағынауданда салынып жатқан көпқабатты тұрғын үй кешендерінің біріндегі пәтерлерді заңсыз сатумен айналысқаны анықталып отыр.
"Күдікті 650 млн теңгені алаяқтық жолмен жымқырған. Қазір сотқа дейінгі тергеу амалдары жүргізіліп, ұсталған азамат уақытша ұстау изоляторына қамалды. Басқа мәліметтер тергеу мүддесі үшін жарияланбайды", - деді облыстық полиция департаментінің баспасөз қызметіндегілер.
Жанкелді Қаржан
2006-2010 ж.ж. Е. Бөкетов атындағы Қарағанды мемлекеттік университетінде оқыды. Мамандағы - журналист. Еңбек жолын 2008 жылы «Орталық Қазақстан» газетінде бастап, 2010-2015 ж.ж. «Халық сөзі», «Алаш айнасы» басылымдарында еңбек етті. «Экспресс К», «Аrbat.media.kz», ақпараттық сайттарында жұмыс істеген. 2022 жылдан mangystaumedia.kz қызметкері, 2024 жылдан бастап Kazinform агенттігінің Маңғыстау облысындағы меншікті тілшісі.