АҚТАУ. KAZINFORM — Оқиға Мұнайлы ауданы Басқұдық ауылында болған. Екпінді желдің салдарынан екі қабатты ғимараттың шатыры ұшып, жерге түскен. Облыстық төтенше жағдайлар департаментінің хабарлауынша, тұрақта тұрған көліктерге зақым келді.
— 16 ақпанда сағат 18-45-те «Instagram» әлеуметтік желісіндегі «112_Aktau» парақшасына жүргізілген мониторинг барысында Мұнайлы ауданы, Басқұдық ауылы, 15/3 ғимараты мекен-жайында орналасқан «Бақжан» сауда орталығында екпінді желдің салдарынан екі қабатты ғимараттың 100 шаршы метр аумақта шатыры ұшқаны анықталды. Ғимараттың жалпы аумағы — 612 шаршы метр, — делінген хабарламада.
Айта кетейік, аймақта ауа райы жауын-шашынсыз, ауа температурасы +10°С, оңтүстік-шығыстан соққан желдің жылдамдығы — 10 м/с.
Бұған дейін, Өскеменде мектеп оқушылары қаладағы смогқа байланысты қашықтан оқиды.
Аягөз Ізбасарова
Ізбасарова Аягөз Оралбайқызы телевизия саласында 2003 жылдан бері жұмыс істейді. Еңбек жолын «Қазақстан» РТРК» АҚ Маңғыстау облыстық филиалы «Қазақстан-Ақтау» телеарнасында жүргізуші-редакторлықтан бастап, редактор, шеф-редактор қызметтерін атқарды. Соңғы 7 жылдан бері «Қазақстан» Ұлттық арнасының Маңғыстаудағы меншікті тілшісі. Ақпарат саласының үздігі. Kazinform халықаралық ақпарат агенттігінде 2024 жылғы мамырдан бастап қызмет етеді.