АҚТАУ. KAZINFORM – Теңіз сүтқоректілерінің өлекселері Түпқараған ауданы Баутин ауылы аумағындағы теңіз жағасынан анықталған. Итбалықтарды байқап, құзырлы органдарға хабар берген тұрғынның айтуынша, жағалауда 6 өлексе жатыр. Оның екеуінің мойынына ау оралған.
Фото: Әлеуметтік желіден
Осы оқиға бойынша Маңғыстау облыстық балық инспекциясы басқармасы барлық құзырлы орган инспекторлары оқиға орнына кеткенін хабарлады.
Фото: Әлеуметтік желіден
— Мамандар алгаритм бойынша жұмыс істейді. Экология және гидробиология институтының қызметкерлері сол жерде, — делінген хабарламада.
Фото: Әлеуметтік желіден
Бұған дейін, биыл шілде айында Ақтауда теңіз жағалауынан итбалықтың өлексесі табылған болатын.
Ал, биыл мамыр айында Маңғыстауда теңіз жағалауынан 279 итбалықтың өлексесі табылды.
Ізбасарова Аягөз Оралбайқызы телевизия саласында 2003 жылдан бері жұмыс істейді. Еңбек жолын «Қазақстан» РТРК» АҚ Маңғыстау облыстық филиалы «Қазақстан-Ақтау» телеарнасында жүргізуші-редакторлықтан бастап, редактор, шеф-редактор қызметтерін атқарды. Соңғы 7 жылдан бері «Қазақстан» Ұлттық арнасының Маңғыстаудағы меншікті тілшісі. Ақпарат саласының үздігі. Kazinform халықаралық ақпарат агенттігінде 2024 жылғы мамырдан бастап қызмет етеді.