Маңғыстауда тарихи Қарақабақ қалашығы зерттеліп жатыр
АҚТАУ. KAZINFORM — Маңғыстау облысында орналасқан Қарақабақ қалашығында кешенді археологиялық зерттеу жұмыстары қолға алынды. Қазба жұмыстарына өңірлік музейдің археологтері мен Әлкей Марғұлан атындағы Археология институтының мамандары қатысып жатыр.
Фото: Ә.Кекілбайұлы атындағы облыстық тарихи-өлкетану музейі
Әбіш Кекілбайұлы атындағы Маңғыстау облыстық тарихи-өлкетану музейінде жаңадан ашылған «Археология» бөлімінің мамандары Әлкей Хақанұлы Марғұлан атындағы Археология институтының мамандарымен бірлесіп Қарақабақ қалашығында ғылыми-зерттеу және археологиялық қазба жұмыстарын бастады. Бұл туралы облыстық мәдениет, тілдерді дамыту және архив ісі басқармасы хабарлады.
Фото: Ә.Кекілбайұлы атындағы облыстық тарихи-өлкетану музейі
— Ғылыми-зерттеу жұмыстары барысында тарихи ескерткіштің құрылымы, мәдени қабаттары мен құнды археологиялық деректер жан-жақты зерттелетін болады. Бұл жұмыстар өңір тарихын тереңірек тануға және тарихи-мәдени мұраны сақтауға өз үлесін қосады, — делінген хабарламада.
Фото: Ә.Кекілбайұлы атындағы облыстық тарихи-өлкетану музейі
Ал қазба жұмыстарының барысы, табылған олжалар мен қызықты деректер музейдің парақшасына шығарылады.
Фото: Ә.Кекілбайұлы атындағы облыстық тарихи-өлкетану музейі
Бұған дейін, Маңғыстауда Рим дәуірімен байланысты көне қала табылған болатын.
Ізбасарова Аягөз Оралбайқызы телевизия саласында 2003 жылдан бері жұмыс істейді. Еңбек жолын «Қазақстан» РТРК» АҚ Маңғыстау облыстық филиалы «Қазақстан-Ақтау» телеарнасында жүргізуші-редакторлықтан бастап, редактор, шеф-редактор қызметтерін атқарды. Соңғы 7 жылдан бері «Қазақстан» Ұлттық арнасының Маңғыстаудағы меншікті тілшісі. Ақпарат саласының үздігі. Kazinform халықаралық ақпарат агенттігінде 2024 жылғы мамырдан бастап қызмет етеді.