АҚТАУ. KAZINFORM — Маңғыстау облыстық экология департаментінің мамандары Түпқараған ауданындағы итбалықтардың жаппай қырылған жерін тексерді. Зертханалық-талдамалық бақылау бөлімінің сарапшылары 13 мамыр күні оқиға орнына барып, теңіз суынан сынама алған.
— Талдау нәтижесі бойынша су құрамынан ластаушы заттар анықталған жоқ, — делінген хабарламада.
Еске салайық, 10-11 мамыр күндері Түпқараған ауданындағы Баутино ауылының жағалауынан 37 өлі итбалықтың денесі табылған болатын.
Бұған қоса мамандар Түпқараған ауданы Қызылөзен ауылының маңындағы Каспий теңізі жағалауынан да сынамалар алып, судың таза екенін анықтаған.
Бұған дейін, Каспий жағалауынан 300-ге жуық итбалықтың өлексесі табылған болатын
АШМ Каспий жағалауында итбалықтар мен аққулардың қырылу себебін атады.
Аягөз Ізбасарова
Ізбасарова Аягөз Оралбайқызы телевизия саласында 2003 жылдан бері жұмыс істейді. Еңбек жолын «Қазақстан» РТРК» АҚ Маңғыстау облыстық филиалы «Қазақстан-Ақтау» телеарнасында жүргізуші-редакторлықтан бастап, редактор, шеф-редактор қызметтерін атқарды. Соңғы 7 жылдан бері «Қазақстан» Ұлттық арнасының Маңғыстаудағы меншікті тілшісі. Ақпарат саласының үздігі. Kazinform халықаралық ақпарат агенттігінде 2024 жылғы мамырдан бастап қызмет етеді.