НҰР-СҰЛТАН. ҚазАқпарат - «Алматы- Маңғыстау» және «Нұр-Сұлтан - Сарыағаш» пойыздарының құрамы 25 жаңа плацкарттық вагонмен толығады, деп хабарлайды ҚазАқпарат «Жолаушылар тасымалы» АҚ сілтеме жасап.
«2019 жылдың тамыз айында жоғарғы сұраныстағы екі бағыт - «Алматы- Маңғыстау» және «Нұр-Сұлтан - Сарыағаш» пойыздарының құрамы 25 жаңа плацкарттық вагонмен толығады. Жаңа вагондар ауа салқындатқыш жүйелерімен жабдықталған. Сонымен бірге, заман талабына сай комфорт пен қауіпсіздік деңгейі, экологиялық таза әжетхана орындары, өртке қарсы дабыл жүйелері ескерілген», - деп жазылған ресми хабарламада.
Компанияның хабарлауынша, жаз маусымында барлық вагондар іске қосылады.
Айжан Серікжанқызы
Айжан Серікжанқызы Қасым Л. Н. Гумилев атындағы Еуразия ұлттық университеті Журналистика және саясаттану факультетінің түлегі. Мамандық бойынша РФ Татарстанның Қазан қаласында, Польшаның Вроцлав қаласында тағылымдамадан өткен. 2017 жылдан бері ҚазАқпарат агенттігінде жұмыс істейді.