«2015 жылы диспетчерлік қызмет 32 рет, ал 2016 жылы - 44 рет дауылдық ескерту жолдаған. Ауа райы күрт төмендеп, қар мен бұрқасын жауғанда, ұйытқи соққан жел бірер сағаттан бірнеше тәулікке ұласқанда республикалық және жергілікті маңызы бар автомобиль жолдарында көктайғақ болуы мүмкін», - деді Маңғыстау облысы ТЖД баспасөз қызметінің өкілі Гүлнара Қожабекова.
Оның айтуынша, Бейнеу ауданындағы республикалық және жергілікті маңызы бар автомобиль жолдарында және «Қарақия» ойпатының еңісінде, «Манат» асуында, «Құрық-Ақтау», «Құрық-Жетібай», «Ақтау-Жетыбай», «Жетібай-Өзен-Сенек», «Ақтау-Жаңаөзен» (30-31және 53-58 шақырымдар) бағыттарында көктайғақ болуы мүмкін. «Ақтау-Қарақия» жолының 250 шақырымында, «Шетпе-Ақтау» автожолының 150-160 шақырымында, «Шетпе-Жаңаөзен» жолының 150-160 шақырым бөлігінде және «Шетпе-Бейнеу» жолының 250 шақырымында көліктердің жолдан сырғып кетуі тіркелді.