Маңғыстау облысы прокурорының қылмыстық процестің сотқа дейінгі сатысын қадағалау басқармасының орынбасары Жандарбек Спанның мәлімдеуінше, облыстағы аса ауыр қылмыс саны 2016 жылға қарағанда 5 пайызға артқан.
«Өткен жылы 39 қылмыстық іс тіркелсе, биыл 41-ге жетіп отыр. Сонымен қатар, ауыр қылмыс дерегі бойынша 656 іс тіркелген. Бұл былтырғымен салыстырғанда 4 пайызға көп», - деді ол.
Есесіне, адам өлтіру көрсеткіші биыл 42 пайызға азайып отыр. Былтыр 26 іс тіркелсе, биыл бұл 15-ті көрсетіп отыр. Құзырлы органның өкілдерінің мәлімдеуінше тіркелген қылмыстың бәрі ашылған. Ал жалпы облыс бойынша биыл 4 661 қылмыстық іс тіркеліп, өткен жылғыға қарағанда 20 пайызға азайғандығын көрсеткен.
Рысгүл Рамазанова