Марокко әлемдегі ең үлкен футбол стадионының жобасын таныстырды

АСТАНА. KAZINFORM – 2030 жылы Марокко Испания және Португалиямен бірлесіп, футболдан әлем чемпионатын өткізеді. Финалдық матч 115 мың көрермен сыятын стадионда өтуі мүмкін. Бұл әлемдегі ең үлкен футбол аренасы болмақшы, деп жазады CNN.

Oualolou + Choi және Populous дизайнерлері болашақ Grand Stade Hassan II стадионының үлгілерін ұсынды. Ол Касабланканың солтүстігіндегі Эль-Мансурия қаласындағы 100 гектар аумақта орналасқан. Populous-тің хабарлауынша, стадион дизайны дәстүрлі коммуналдық шатыр түрі «муссемді» еске салады.

Бас дизайнер Тарик Уалалу бұл стиль Марокко мәдениетінде терең тамыр жайғанын және оның заманауи көрінісі деп санайды. Ол ежелгі бейнелерге негізделген: муссем, шатыр, бақ, сондай-ақ Марокко топографиясы мен ландшафттарын қамтиды.

Стадионның конфигурациясы футболдан Әлем кубогының іс-шаралары үшін арнайы жасалған, стадионның әр шетінде (әрқайсысы 30 000-ға жуық сыйымдылығы бар) жанкүйерлерге арналған аймақтарға бөлінеді, ал негізгі бөлігі ложаларға, қонақ аймақтарына, VIP және VVIP-ке бөлінеді.

Қазір әлемдегі ең үлкен футбол стадионы - Солтүстік Кореядағы Бірінші мамыр атындағы Ныннадо стадионы. 1989 жылы ашылған оның ресми сыйымдылығы 150 000 орынды құрайды, алайда алғашқы жөндеуден кейін стадион шамамен 114 000 адамға арналған. Гран Стад Хассан мың адамға артық қабылдай алады.