Мас жүргізуші себепші болған жол апатынан 4 адам зардап шекті

ПАВЛОДАР. ҚазАқпарат – 28 шілде күні сағат кешкі 11-лер шамасында «Омбы-Майқапшағай» тасжолының Береговое және Башмачный ауылдарының аралығында «21214» және «MERCEDES-BENZ SPRINTER» көліктері соқтығысты, деп хабарлайды ҚазАқпарат Павлодар облыстық ПД баспасөз қызметіне сілтеме жасап.

Жол апаты салдарынан «21214» көлігінің27 жастағы жүргізушісі мен 17 жастағы жолаушысы, сондай-ақ «MERCEDES-BENZ SPRINTER»көлігінің екі жолаушысы, соның ішінде 9 жасар қыз түрлі жарақатпен Железинаудандық ауруханасына жеткізілді.

«Сараптама қорытындысына сәйкес, «21214»көлігінің жүргізушісі орташа деңгейде мас болған. Бұдан бұрын, 2019 жылдыңақпанында ол ҚР Әкімшілік кодексінің 608-бабы 1-бөлігі бойынша көлік құралдарынжүргізу құқығынан айырылған», - делінген хабарламада.

Бұл факті тіркелді. Қажетті сараптамалартағайындалды. Сотқа дейінгі тергеу жұмыстары жүріп жатыр.