Маск НАТО-ны толығымен қайта құруға шақырды

АСТАНА. KAZINFORM - АҚШ-тың Үкімет тиімділігі кеңсесінің (DOGE) басшысы Илон Маск Солтүстік Атлантикалық альянсты қайта құруға шақырды, деп жазады ТАСС.

«НАТО қайта құруды қажет етеді», - деп жазды ол X әлеуметтік желісінде сенатор Майк Лидің (Юта штаты) НАТО «ескірген» және «қырғи-қабақ соғыс дәуірі әлдеқашан аяқталды» деген жазбасына жауап ретінде.

Маск бұған дейін де АҚШ-тың трансатлантикалық саясатын бірнеше рет сынап, Еуропаның қорғаныс шығындарын қысқартуға шақырған. Кәсіпкер Вашингтондағы айтарлықтай бюджет тапшылығы мен мемлекеттік шығындардың өсуін ескере отырып, мұндай шығындарға жол берілмейтінін ескертті.

Бұған дейін Дональд Трамп Давоста НАТО одақтастарынан қорғаныс шығындарын ЖІӨ-нің 5%-ына дейін ұлғайтуды талап етіп, АҚШ-та өнім өндірмейтін компанияларға баж салығын енгізетінін айтқан.

Осыған дейін Илон Маск OpenAI-ді бақылау үшін 97 млрд доллардан астам қаржы ұсынғаны туралы жаздық.