АСТАНА. KAZINFOR – Мәскеуде 2 шілдеде ауа температурасы 32 градусқа жеткенде 1890 жылғы рекорд жаңарған. Ол күні ауа температурасы 31,9 градус болды, деп хабарлады ресейлік ТАСС ақпарат агенттігі.
«2 шілдеде Мәскеуде 134 жылдық рекорд жаңарды. ВДНХ метеостанциясы 32 градусты тіркеді», - деп мәлімдеді Ресейдің Гидрометеорологиялық орталығының ғылыми директоры Роман Вильфанд.
Ол сонымен қатар шамамен сағат 15:00-де Балчуг аймағында температура 33,2 градусқа дейін көтерілгенін атап өтті.
Зарина Туғанбаева
Л.Н. Гумилев атындағы Еуразия Ұлттық университетінің түлегі. Еңбек жолын Ақмола облысы Целиноград аудандық «Ұран», «Призыв» газеттерінде тілші болып бастаған. Kazinform ақпарат агенттігінде 2011 жылдан бері қызмет атқарып келеді.