Бұл форум - Ресей мен Шығыс Еуропадағы ең ауқымды шара. Көрме жыл сайын қыркүйек айында басталады. Биылғы форум балалар әдебиетіне арналған. Онда 25 елдің 100 мыңнан астам туынды көпшілік назарына ұсынылды. Қазақстан кітаптарына сұраныс жоғары, үш күн ішінде жартысына жуығы сатылып кеткен. Көрмеге қатысушылар әсіресе еліміздің тарихы, мәдениеті және табиғаты туралы жазылған «Менің Қазақстаным» кітабына қызығушылық танытқан.
Альмира Сужикова, «Алматыкiтап баспасы» бас редакторының орынбасары: -
«Біздің басты бағытымыз бұл өлкетану. Қазір «Рухани жаңғыру» Елбасымыздың бағдарламасы қабылданып, соның жобасымен оқулықтарды дайындап жатырмыз. Елтану жөнінде бес облыстың кітабын шығардық. Қазақтың салт дәстүрінен батап оның тұрмысы, жануарлар әлемі, өсімдіктер әлемі, дархан дастархан деген кітаптарымыз бар. Бұл жерде барлығы қамтылған. Үшінші күн жұмыс істеп жатырмыз, кітабымыздың жартысынан көбін сатып жібердік», - деді Алматыкiтап баспасы» бас редакторының орынбасары Альмира Сужикова.
Ал «Фолиант» баспасы директорының орынбасары Жеңіс Қазанғапов Ресейде көп оқылатын отандық кітаптармен қатар жаңаларын да алып келгендігін және кітаптардың мазмұнынан бөлек олардың мұқабасына да көңіл бөлінгендігі туралы айтты.