Қозғалған қылмыстық іс «Қозғалыс қауіпсіздігі және әуе көлігін пайдалану ережелерін бұзу салдарынан ірі көлемде залал келтіру» бабы бойынша «Аллигатор» Ка-52 тікұшағының апаттық қонуы фактісіне негізделіп отыр.
Шетелдік БАҚ мәліметіне қарағанда, әуе көлігінің меншік иесі Қорғаныс министрлігіне 800 млн. рубль көлемінде шығын келтірілген.
Айта кетейік, сейсенбіде Мәскеудің оңтүстік-шығысындағы Жулебино ауданында ұшу сынақтары кезінде жауынгерлік жаңа «Аллигатор» Ка-52 тікұшағы апатқа ұшырады. Ондағы екі ұшқыш та ауруханаға жеткізілді.